كيف تربح من الفيسبوك بخطوات بسيطة

في وقت بقت فيه فرص الربح من الإنترنت جزء من واقع الشباب، ظهر فيسبوك كمنصة ممكن تفتح أبواب كبيرة حتى لو كنت موجود في السودان. لكن كيف؟ دي التفاصيل خطوة بخطوة لأي زول عايز يبدأ مشواره في الربح من الفيسبوك.

خطوتك الأولى: الحساب الشخصي ما بكفي

لو عندك صفحة، فإنت جاهز تنتقل للمرحلة التالية. أما لو حسابك شخصي، ضروري تحوله للوضع الاحترافي. خطوات التحويل بسيطة: افتح البروفايل، اضغط على الثلاث نقاط في الزاوية، وانزل لآخر خيار مكتوب عليه “تحويل إلى الوضع الاحترافي”. بعد كدا انت جاهز تبدأ.

الخطوة الثانية: تفعيل طرق الربح

من خلال بروفايلك أو صفحتك، اضغط على الزر الأزرق المسمى “لوحة المعلومات الاحترافية”. هناك حتلقى قسم اسمه “تحقيق الأرباح”. حتفتح الصفحة دي وتدخل على كل وسيلة ربح وتضغط “مهتم”. كدا انت فعلت الطرق المتاحة ليك.

الخطوة الثالثة: إعداد سحب الأرباح

أدخل على إعدادات العوائد واختر “إضافة حساب عوائد”، وحدد أنك “فرد” مش شركة. لما يُطلب منك رقم سجل ضريبي، ببساطة أدخل رقم جواز سفرك. ما ضروري يكون عندك سجل ضريبي. الخطوة دي بتجهزك للاستلام أول ما تبدأ الأرباح تنزل.

الخطوة الرابعة: كيف تسحب أرباحك

فيسبوك بيرسل الأرباح بعد ما تتجاوز 100 دولار. ممكن تسحبها عن طريق PayPal، أو الأفضل إنك تستخدم بطاقة فيزا من شخص موثوق خارج السودان وتخلي الأرباح تنزل عنده وهو يرسلها ليك. خليك حذر واختار شخص بتثق فيه.

الخطوة الخامسة: المحتوى هو الملك

عشان تجمع أرباح، لازم تنشر محتوى قوي يجذب الناس ويتفاعلوا معاه. لو ما بتعرف تعمل محتوى، أكتب في التعليقات وحنساعدك. اللايفات والريلز بتجيب متابعين لكن عائدها قليل مقارنة بالبوستات والصور. في البداية حتكون الأرباح بسيطة (زي 0.01 أو 0.05 دولار)، لكن مع الاستمرار والتطوير ممكن توصل 100 دولار في بوست واحد. وكل دا بيتجمع آخر الشهر.

نصيحة: شارك المحتوى بتاعك في قروبات خارج السودان لزيادة التفاعل والأرباح. أحيانًا فيسبوك بيطرح تحديات بسيطة ممكن تكسب منها 5 أو 10 دولار إضافية.

ولو إنت في السودان؟

فيسبوك حاليًا ما بيفعّل الربح للمستخدمين داخل السودان مباشرة. لكن ممكن تتجاوز العقبة دي بطريقتين: الأولى إنك تضيف شخص خارج السودان كأدمن في صفحتك وهو يفعل الربح. أو، لو ما بتثق في زول، استخدم متصفح Tor لأنه فيه كاسر شبكة مدمج.