الأحب لقلبي (6)
بقلم أمل محمد
#الأحب – لقلبي 《6》
#بقلم أمل محمد
الصايعين الضايعين ..اقصد أمل وحسين وصلو الترعة والجو خنفشارى قعدو يحكو لى بعض ويتزكرو طفولتهم وامل ميتة بي الضحك في حسين وهو يعجبك يشيل ويضحكا
فجاءة حسين قام واقف
امل: هاا مالك ؟
حسين : الشفقة تطير اصبري يخ
أمل : ابيت مالك يخ
حسين : ااااف منك ….اها المنتظرها زاتو جات
امل م فاهمة حاجة بس بقت تعاين اتجاة م زولنا داك بعاين انتبهت لى بت سمراء كدة لافحة توبا وتقدل في المشى جاية عليهم
امل لكزت حسين
قالت ليو دى منو
قال ليها اصبرى
ي زفت اسي يعرفك عليها
ي هلا بي رحووبتى كيفك
طبعا فلانة ديك تبتسم ساى قالت : كويسة الحمد لله انت كيف
حسين : م كنت كويس بس بي شوفتك اتحسنت
امل : احم احم
حسين : اوو نسيتك يخ 😁😂
امل : بربيك 😒
رحاب : 😂🖤كيفك امل؟
أمل : وكمان بتعرفنى ؟ كويسة وانتى كيفك ي ….
رحاب : ااى بعرفك من حسين وانا رحاب
امل : اتشرفنا ي رحاب 🙄
حسين قال : عشان م تقلبي لى عيونك ديل تعالى احكى ليكى دى رحاب زولتى وحبة بندولى
امل : حبة بندول تخنقك أن شاء الله
حسين : انطمى ي بت☹️
المهم مرتبطين حكاية بتاعت 9 شهور كدة وناوى اجمعها معاى بي الحلال 🔥♥️
امل : وااااو🔥♥️
عرفينى عليكى اكتر ي رحوبة
حسين : عمرها ..
امل : انت رحاب ؟ قفل خشمك م تتكلم بي اسمها ممكن 🥱😂
حسين : م ممكن تدينى شاكوش في اللحظة دى 😂😂
رحاب : 😂 طيب أسمى وعرفتى عمرى 19سنة امتحنت تالت ونجحت بس اهلى م رضو اكلم تعليمى ☹️ ف قاعدة لى أشغال البيت 😪
امل ورحاب اتعرفو على بعض واتونسو تمام قريب المغرب كدة اتجهو على الجناين 🤤♥️ قضو احلى وقت والاخ الكريم نسا وصية حاتم والعشاء اذن هم في الطريق 😂
قدمو رحاب جمب بيتهم على وعد من امل أنها تزورهم في البيت يوم
حسين : الليلة الا نبيت في الشارع
امل : لى قال
حسين : فاتحة كمان وبتسالى لى ي بت حاتم دة عندو نفسيات 😂
امل : أرح يخ م بيسالنا
حسين : ولو سال ؟
امل : أنا بتكلم وبخلى عند حدو
حسين : من اسي وريتك خشمى م بفتحو انتى براكى اتكلمى
امل : اتخليتك جبان لكن م للدرجة دى 😂
حسين :😂😂
وصلو البيت ولقو حاتم في الحوش منتظرهم😂😂
حاتم : عاين لى ساعتو وقال :
ماشاء الله جاين لى بعد العشاء 🙂
زريبة هى ؟ أنا قوتة ليكم شنو مش قوتة قيل المغرب ؟ حالتى موصيك ي حسين لاكن غلطان لمن افتكرتك عقلت وبطلت طيش وانتى ي بت الخالة م عندى بت تكون في الشارع لى المغرب …الخ
يخ الولد دة ردح قدرتو وسكت وديلك م فتحو خشمهم بي كلمة 🤣🤣🤣
ساعة قال ليهم يلا طيرو من وشى الاتنين فرو 🤣🤣
حسين : أنا حوقفو عند حدو وم حيسالنا ( بحاكى صوت امل )
امل : 🤣🤣 والله م قدرت لى هتلر دة🤣
حسين قال ليهم اخدنا هرشتنا تعالى نطفح وقولى لى رايك في رحاب
امل : اها حبيبة القلب 😅😂
المهم اتعشو بدرى واى زول اتجه غرفتو بي تعب اليوم
# ثم ماذا؟🩵
ثم رفيق تحلو معة الحياة …رفيق لا يكل ولا يمل 🩵🩵🩵
ي رب الزفتة دى وين تلقونها م بخش معاى كم يوم والمشكلة أنها م ظاهرة في الواتس ي رب الحاصل عليها شنو ؟ أن شاء الله المانع خير؟
ي الله انا حطق من التفكير
مسكت التلفون واتصل
# عزرآ الرقم الذي طلبتة خارج نطاق التغطيه حالياً يرجئ المحاولة لاحقاً” 💔
ااااف يخ لى متين ي امل لى متين 💔
عرفتو دة منو ؟ اااى ابراهيم زاتو اشتقتو ليو صح ؟ 😂
هى اوعكم 🔪😂
امل وامها قضو فترة كويسة مع خالتها وأولادهم وجا يوم الوداع عشان يرجعو 🩵
قبل السفر بي يوم امل مشت لى رحاب وشالت رقمها للتواصل وناس حاتم وحسين عملو قعدة ظريفة للوداع🩵
المهم تانى يوم سافرو
امل في الباص فتحت الشبكة وقالت اخيرا😪😂
طبعا الشبكة كانت ضعيفة هناك وم خشت الواتس نهائى
لقت رسائل من ابراهيم ومحاولة مكالمات من ابراهيم
امل : اوووبس بالغتى والله ي امل بس اعمل شنو الشبكة في البلد م تمام
طبعا الحجة كانت في سابع نوم😂
أمل اتصلت لى ابراهيم
امل : تيت تي” دة صوت الخط م تتخلعو😂” المهم في الخط التانى طوالى رد
ابراهيم: الو وين انتى ي امل الايام دي كلها م معقولة معاكى أنا كل لحظة كنت بتصل في تلفونك كل لحظة بس م كان بخش معاى انتى كويسة ؟ حاصل عليكى حاجة ؟ يخ اتكلمى مالك 😡
امل: 😂م م ممكن اتكلم وانت م اديتينى فرصة وبعدين وحدة وحدة ارد على شنو واخلى شنو ؟
ابراهيم: كويسة ؟
امل : فل الفل كمان وانت
ابراهيم: اسي لقيت كويس اشتقت ليكى …اقصد اشتقت لى صوتك
امل : اها الحاصل والجديد
ابراهيم: ااى اتهربي
امل: طيب مع السلامة
ابراهيم: تعالى واتس
امل : اوكى
دخلت الواتس وردت على كل كلامو وقالت ليو قربنا نصل وعلى كدة قفلو
لمن وصلو امل لقت ابرار منتظراها سلمت عليها سلام شووق وقعدت تحكى ليها عن الجزيرة واهل الجزيرة 🩵🩵
لهفة وم ادراك م لهفة
اشتقتة ليكى
انتى كويسة ؟
الحاصل شنو ؟
صليتى ؟
حاسي بيكى م تمام …حاسي بيكى مضايقة
م تعلى صوتك في الشارع
م تضحكى بي صوت عالى
الطرحة م تنزل من راسك فاهمة ؟
التفاصيل الصغيرة دى اجمل م تحس بيو الانثى 😪♥️
تسريع للأحداث✓
* بي لسان للكاتبة *
طبعا ناسنا ديل كانو ماشين سمنة على عسل
بس فجاءة حصل بينهم خلاف في موضوع بسيط وسابو بعض 💔
امل م مسحت رقم ابراهيم بس وهو مسح الرقم وبعد فترة رجعو بشوفو استوريهات بعض عادى بس الاتنين شايلين في خاطرهم
لمن أبرار سالتها امل حكت ليها ف ابرار بقت تقول ليها أنا مش كلمتك حب الميديا دة طلس وكلام فارغ بس م صدقتينى ف امل اقتنعت وزعلت في النفس الوقت
بعد فترة بقو يجهزو لى ترتيبات الجامعة لأن قربت تفتح في التقديم امل قدمت رغبتها وابرار كذلك وقت القبول ااى حد كان في اتجاة براو الاتنين زعلو لأن حيفترقو
امل حتنزل دراسة يوم ١٢/٢٨
اول يوم اتعرفت على زوبة الحب كلو ومعاها قبس ♥️♥️😪طبعا كانت متخوفة من حتة م تعمل شلة أو تلقى أصحاب بشبهوها ( قصدى في التفاهة ي زينو 😪😂😂)
المهم اول م اتعرفو امل اطمنت مشو القاعة مع بعض وهناك اتعرفو على ميسو الغرام 😪♥️♥️وبي كدة اكتملت الشلة وم انسى كبسولة فرحى فردوس 🔥♥️
اتعودنا على الجامعة
والليلة يوم ١/١ 🔥😪
تانى يوم الساعة 12 الا عشرة دقائق أنا كنت داخلة الفيس وبتصفح كدة دخلت واتس م لقيت موضوع زهجت عاوزة اقفل التلفون اشوف ليك رسالة من ابراهيم محتواها ” امل كل سنة وانتى طيبة كبرتى سنة ي امل عقبال تعيشي لمن تخرفى “
امل 😳
كيف يعنى الليلة عيد ميلادى بلاى ؟ شافت التلفون ولقت يوم 2شهر 1قالت فعلا الليلة ميلادى كيف نسيت لا وإبراهيم م نسا؟
طبعا بقيت استلم المعايدات وارد عليهم ورديت على ابراهيم حتى
تانى يوم مشيت الجامعة متجهة على القاعة القى ابراهيم يتصل بك
طبعا اتخلعت لأن لينا حكاية بتاعت شهرين او شهر وشوية م اتكلمنا بينى وبين نفسي بقيت اقول ارد ؟ وااى طيب حنقول شنو لو رديت ؟ لا يخ م حقدر اتكلم أخير امشى القاعة
وأطرافى بقو تلج
وانا يتكلم مع نفسي المكالمة انتهت وفصل عاوزة ادخل التلفون في الشنطة تانى اتصل المرة دى رديت
ابراهيم : الو
امل : هلا
ابراهيم: كيفك
امل : كويسة
ابراهيم: وانا كويس 🙂
امل : …
ابراهيم: طيب ي ستى أنا آسف على كل كلمة قوتها ليكى واسف لانى غضبت واتنرفزت فيكى مع ان انتى كمان غلطانة بس يلا أنا الاسف 🙄
امل : ..
ابراهيم: اول حاجة كل سنة وانتى طيبة وكل السنين معاى ي رب وم نفترق اصلا وتانى حاجة نزلتى الجامعة ليكى كم يوم اها كيف الاجواء معاكى
اتكلمو شوى وانا بترد حسب السؤال واستاذنت لى المحاضرة
المهم جوز اللوذ اتصافو بعد حنك من ابراهيم😂
ابراهيم غيور شديد والعجب فلانة 😂😂
ف عشان كدة امل م بتحتك بي اولاد دفعتها كتير والكمامة والحجاب اهم شىء
ابراهيم بقا يزن لى في موضوع العرس وانا ٤ سمسترات عشان اتخرج
امل كانت مسافرة لى أهلها والمفاجاءة نفس حى ناس ابراهيم يوم بتونس معاها قال ليها داير اشوفك رفضت حنسها كدة وقال ليها لمن اقرب حرسل ليكى رسالة
ختيت التلفون ومشيت اشرب موية ونادونى عشان أتونس معاهم المهم قعدت معاهم زى ساعة كدة وتلفونى كان في الشاحن دخلت الغرفة وكشفت لى التلفون لقيت اكتر من ٩ مكالمات واكتر من ١٢ رسالة كلها من ابراهيم🙄
طبعا كان زعلان شديد عشان جا وانا م رديت علية قريت دة كلو فى الرسائل وانا بقرا اتصلت علية جاط فينى قدرتو وقال لى كم سنة وأنا م حصل شفتك وكلام كتير أنا م كنت متخيلة جادى يجى جمب البت المهم قال لى الاكتشفو انك م جادة في العلاقة دى والمفروض اشوفك وتشوفينى عشان نخطى خطوة الزواج وم يكون في مانع أو اعتراض دة كلو وانا ساكتة وبسمع في جوطتو وكلامو قوتة ليو انت وين طيب قال لى ركبت ركشة وراجع ‘ هو كان جاى من الشغل ‘
قال لى لو رجعت بتخلينى اشوفك قوتة ليو اى قال لى المرة دى م تطلعتى أو م رديتى م تلومى الا نفسك قوتة حاضر 😂😂💔
وعاد خوفة ساى ختيت التلفون في يدى وأضحك قدرتى على البهدلة دى 😂💔
بعد نص ساعة اتصل لى وقال لى حتلقى بتين لابسين توب أنا وراهم قوتة ليو اطلع؟ قال لى منتظرة شنو 😂😂
المهم فتحت باب الشارع كان في عربية واقفة جمب البيت م قدرت اشوف البتين الا طلعت لى برا المهم لقيتهم وبي وراهم طوالى في شاب أنا طوالى رجعت وقفت جمب الباب
دقيقة كدة وجا مارى بي جمبي😪♥️♥️♥️♥️
عاينت ليو نظرة
وحدة بس كان لابس بنطلون اسود وقميص م متأكدة لان اتلبشت بس تقريبا مخطط♥️♥️
هى تعالو نكمل البارت الجاى 😁
* سند ميلى ومعدل طريقى في وسط زحمة حياتو يجينى …الأحب لقلبي وم دون ذلك هين😴♥️♥️🩵🩵
